Chodak o‘zining bog‘lari, yong‘oqzorlari va buloqlari bilan mashhur. Ammo qishloqning diqqatga sazovor joyi – “Yig‘layotgan qoyatosh”. Bu joy o‘zining go‘zalligi sahro o‘rtasidagi ko‘kalamzorga o‘xshaydi. Qadimgi davrlarda savdo karvonlari shu yerda to‘xtab, harbiy yo‘llar ham shu joy orqali o‘tgan. Bu joy uzoq sayohatdan so‘ng dam olish va toza suvni zaxira qilish uchun eng yaxshi to‘xtash joyi bo‘lgan.
Aynan shu joydan Iskandar Zulqarnayn ham o‘z qo‘shini bilan o‘tgan. Olimlarning taxminiga ko‘ra, bu yerda u kuchni tiklash uchun uzoq vaqt qolgan. Zulqarnayndan so‘ng bu joy mashhur bo‘lib, Kushon podsholigining markazlaridan biriga aylangandan.
“Yig‘layotgan qoyatosh” - bu kichik tog‘ shakllanishi bo‘lib, uning tepasida qorlik joylashgan. Suv qoyadan pastga tushadi va qoyatosh po‘panak va botqoq o‘simliklari orqali ko‘z yoshlarini to‘kayotgandek tuyuladi. Afsonaga ko‘ra, qoyatosh – bu taqdir taqozosi bilan sevgilisidan ajralishga majbur bo‘lgan sevib qolgan qiz. Ajralish g‘amidan kuygan qiz “abadiy yig‘laydigan qoyaga” aylangan. Qizig‘i shundaki, oqayotgan suv hatto qishda ham muzlamaydi va shifobaxsh hisoblanadi. Toshning ichida kichik nishablik mavjud. Uning ichiga kirib tilak tilash mumkin, sevishganlar yoki yolg‘iz insonlar o‘z sevgililarini topish to‘g‘risida tilak tilashadi.